കൂട്ടബലാത്സംഘത്തിന് ശ്രമമുണ്ടായി; ഇറങ്ങി ഓടിയപ്പോള്‍ രക്ഷകനായെത്തിയത് ഓട്ടോറിക്ഷാ ഡ്രൈവര്‍: ഞെട്ടിക്കുന്ന വെളിപ്പെടുത്തലുമായി നടി ചാര്‍മിള

കോട്ടയം: ഒരു കാലത്ത് മലയാള സിനിമയില്‍ നിറഞ്ഞ് നിന്ന നായിക നടിയാണ് ചാര്‍മിള. സൂപ്പര്‍ താരങ്ങള്‍ക്കൊപ്പം ധാരാളം സിനിമകളില്‍ അഭിനയിച്ചിട്ടുള്ള താരം ഇപ്പോള്‍ ഞെട്ടിക്കുന്ന വെളിപ്പെടുത്തലുകളുമായി രംഗത്തെത്തിയിരിക്കുകയാണ്. സംവിധായകരും നിര്‍മാതാക്കളും അഭിനേതാക്കളും അടക്കം 28 പേര്‍ മോശമായി പെരുമാറിയെന്നും ഒരു സിനിമ സെറ്റില്‍ വച്ച് താന്‍ കൂട്ടബലാത്സംഘത്തിന് ഇരയായെന്നും ചാര്‍മിള ഒരു അഭിമുഖത്തില്‍ തുറന്ന് പറഞ്ഞിരിക്കുകയാണ്. 

സിനിമാ മേഖലയില്‍ നിന്ന് നേരിട്ട ദുരനുഭവങ്ങള്‍ വിവരിക്കുന്നതിനിടെയാണ് തനിക്കുണ്ടായ ലൈംഗീക പീഡന ശ്രമങ്ങളുടെ ഞെട്ടിക്കുന്ന വെളിപ്പെടുത്തല്‍ നടത്തിയത്. സംവിധായകരും നിര്‍മാതാക്കളും അഭിനേതാക്കളും മോശമായി പെരുമാറിയെന്നും ഒരു പ്രമുഖ സംവിധായകന്‍ അഡ്ജസ്റ്റ്‌മെന്റിന് തയാറാണോയെന്നു ചോദിച്ചെന്നും ചാര്‍മിള വെളിപ്പെടുത്തി. തന്റെ സുഹൃത്തായ വിഷ്ണുവിനോടാണു താന്‍ അഡ്ജസ്റ്റ്‌മെന്റിന് തയാറാണോയെന്നു ചോദിച്ചത്. 

പീഡന ശ്രമത്തിനിടെ മുറിയില്‍ നിന്ന് ഇറങ്ങി ഓടി രക്ഷപ്പെട്ടു. ഹോട്ടല്‍ മുറിയില്‍ നിന്ന് ഓടിയപ്പോള്‍ രക്ഷിച്ചത് ഓട്ടോ ഡ്രൈവര്‍. 1997ല്‍ പുറത്തിറങ്ങിയ അര്‍ജുനന്‍ പിള്ളയും അഞ്ചു മക്കളും എന്ന സിനിമയ്ക്കിടെ കൂട്ട ബലാത്സംഗത്തിന് ശ്രമമുണ്ടായി. നിര്‍മാതാവും സുഹൃത്തുക്കളുമാണു ബലാത്സംഗത്തിന് ശ്രമിച്ചത്. താന്‍ രക്ഷപ്പെട്ടെങ്കിലും ജൂനിയര്‍ ആര്‍ട്ടിസ്റ്റുകള്‍ ബലാത്സംഗത്തിന് ഇരയായെന്നും ചാര്‍മിള പറഞ്ഞു.